Մեր Մասին

Ինդիվիդում Նորարարական Ստոմատոլոգիան հիմնադրվել է 2009 թվականին՝ Վարազդատ Թանգամյանի և Մարինե Մկրտչյանի կողմից՝ առաջնորդվելով անհատական մոտեցմամբ, մասնագիտական բարձր որակավորմամբ և մարդասիրությամբ։

Այստեղ, մենք համադրում ենք առաջադեմ բժշկությունը և մարդկային մոտեցումը՝ քանի որ յուրաքանչյուր ժպիտ սկսվում է վստահությունից։

Մեր առաքելությունն է ապահովել անվտանգ, որակյալ և ժամանակակից ստոմատոլոգիական ծառայություններ՝ համադրելով նորագույն տեխնոլոգիաները և մասնագիտական փորձը։

Ինչու՞ Ինդիվիդում

Մենք կարևորում ենք յուրաքանչյուր բուժառուի անհատականությունը՝ ապահովելով ինդիվիդուալ մոտեցում, որը ենթադրում է յուրաքանչյուրի կարիքների և ցանկությունների հաշվի առում՝ միջազգային ուղեցույցներին և համաշխարհային լավագույն փորձին համապատասխան։

Մեր թիմի յուրաքանչյուր անդամ նույնպես «ինդիվիդում» է՝ իր մասնագիտական ձգտումներով, արժեքներով և հոգատարությամբ։ Սակայն մեզ միավորում են բժշկագիտության սկզբունքներին հավատարմությունը, շարունակական կատարելագործման ձգտումը և աշխատասիրությունը։ Այս արժեքները հիմք են հանդիսանում մեր ընդհանուր նպատակին՝ բարելավելու մեր բուժառուների առողջությունը և կյանքի որակը։

Այստեղ մեր բուժառուների կարիքներն ու ցանկությունները տեսանելի են, լսելի են և հոգատարությամբ շրջապատված, իսկ նրանց ստոմատոլոգիական առողջության ճանապարհը գտնվում է ոլորտի լավագույն մասնագետների ուշադրության ներքո։