Աիդա Բաբայան

Ես՝ Բաբայան Աիդան եմ, ավարտել եմ Մխիթար Հերացու անվան Երևանի պետական բժշկական համալսարանը՝ ստանալով բժիշկ-ստոմատոլոգի որակավորում։

2013 թվականից մինչ օրս աշխատում եմ «Ինդիվիդում» ստոմատոլոգիական կլինիկայում՝ որպես բժիշկ-ստոմատոլոգ։ Իմ աշխատանքում կարևորում եմ պատասխանատվությունը, մասնագիտական զարգացումը, բուժառուների նկատմամբ հոգատար և անհատական մոտեցումը։ Մշտապես ձգտում եմ կատարելագործել իմ գիտելիքներն ու հմտությունները՝ հետևելով ժամանակակից ստոմատոլոգիայի նորարարություններին։

Ազատ ժամանակ սիրում եմ ժամանակ անցկացնել ընտանիքիս հետ բնության գրկում, ճանապարհորդել, պատրաստել առողջ և համեղ ուտեստներ, ֆիլմեր դիտել և զբոսնել։ Համոզված եմ, որ առողջ ապրելակերպը, ընտանեկան արժեքներն ու մասնագիտական նվիրումը հաջողության կարևոր հիմքերն են։