Խորհրդատվություն

Մենք առաջարկում ենք խորհրդատվության երեք տարբերակ՝ ապահովելով ինչպես արագ նախնական գնահատում, այնպես էլ համապարփակ ախտորոշում և մանրամասն բուժման պլանավորում։ Անկախ ընտրված տարբերակից՝ մեր նպատակն է գնահատել Ձեր բերանի խոռոչի առողջական վիճակը, պատասխանել բոլոր հարցերին և առաջարկել բուժման ամենաարդյունավետ լուծումները։

Խորհրդատվության տեսակները՝

• Անվճար խորհրդատվություն

• Համապարփակ խորհրդատվություն (20,000 ՀՀ դրամ)

• Օնլայն համապարփակ խորհրդատվություն

Անվճար խորհրդատվություն

Անվճար խորհրդատվության ընթացքում բժիշկը կատարում է կլինիկական զննում, և անհրաժեշտության դեպքում տվյալ հատվածի ռենտգեն հետազոտություն։ Խորհրդատվության նպատակն է գնահատել խնդիրը, ներկայացնել նախնական ախտորոշումը և առաջարկել բուժման հնարավոր տարբերակները։

Համապարփակ խորհրդատվություն

Համապարփակ խորհրդատվությունը նախատեսված է պացիենտների համար, ովքեր ցանկանում են ստանալ բերանի խոռոչի ամբողջական գնահատում և անհատական բուժման պլան։

Խորհրդատվության համար անհրաժեշտ է ունենալ օրթոպանտոմոգրամա (OPG, պանորամային ռենտգեն), որը հնարավորություն է տալիս կատարել ամբողջական ախտորոշում և կազմել առավել ճշգրիտ բուժման պլան։

ՆՇՈՒՄ․ Օրթոպանտոմոգրամայի (OPG) արժեքը ներառված չէ խորհրդատվության արժեքի մեջ և վճարվում է առանձին, եթե պացիենտը չունի արդեն առկա, որակյալ OPG։