Խորհրդատվություն

Մենք առաջարկում ենք խորհրդատվության երկու տարբերակ՝ նախնական գնահատումից մինչև համապարփակ ախտորոշում և բուժման մանրամասն պլանավորում։ Անկախ ընտրված տարբերակից՝ մեր նպատակն է գնահատել Ձեր բերանի խոռոչի առողջական վիճակը, պատասխանել բոլոր հարցերին և առաջարկել բուժման ամենաարդյունավետ լուծումները։

• Անվճար խորհրդատվություն

Անվճար խորհրդատվության ընթացքում բժիշկը կատարում է կլինիկական զննում և անհրաժեշտության դեպքում տվյալ հատվածի ռենտգեն հետազոտություն։ Խորհրդատվության նպատակն է գնահատել խնդիրը, ներկայացնել նախնական ախտորոշումը և առաջարկել բուժման հնարավոր տարբերակները։

• Համապարփակ խորհրդատվություն (20,000 ՀՀ դրամ)

Համապարփակ խորհրդատվությունը նախատեսված է պացիենտների համար, ովքեր ցանկանում են ստանալ բերանի խոռոչի ամբողջական գնահատում և անհատական բուժման պլան։

Խորհրդատվության համար անհրաժեշտ է ունենալ օրթոպանտոմոգրամա (OPG), որը հնարավորություն է տալիս կատարել ամբողջական ախտորոշում և կազմել առավել ճշգրիտ բուժման պլան։

Խորհրդատվությունը ներառում է՝

• Բերանի խոռոչի մանրամասն կլինիկական զննում։


• 40–60 րոպե տևողությամբ անհատական խորհրդատվություն։


• Անհրաժեշտության դեպքում՝ այլ մասնագետների ներգրավում։

• Անհատական բուժման պլանի կազմում, որը ներառում է՝
բուժման լավագույն և առավել արդյունավետ տարբերակը,
ինչպես նաև, պացիենտի ցանկության դեպքում, առավել տնտեսող այլընտրանքային տարբերակը։


Նշում․ Օրթոպանտոմոգրամայի (OPG) արժեքը ներառված չէ խորհրդատվության արժեքի մեջ և վճարվում է առանձին, եթե պացիենտը չունի արդեն առկա, որակյալ OPG։