Loading...
Loading...
Պերիօդոնտոլոգիան զբաղվում է շուրջատամնային հյուսվածքների հիվանդությունների բուժման և կանխարգելման հարցերով:
Պերիօդոնտոլոգիան զբաղվում է շուրջատամնային հյուսվածքների հիվանդությունների բուժման և կանխարգելման հարցերով: Պերիօդոնտոլոգիայի հիմնական խնդիրներն են գինգիվիտը և պերիօդոնտիտը:
Գինգիվիտը լնդաբորբի վաղ փուլն է. արտահայտվում է լնդային թեթև արյունահոսությամբ, քորով և քիչ քանակի ատամնային նստվածքներով (ատամնաքար, ատամնափառ):
Պերիօդոնտիտը գինգիվիտի հաջորդ երկրորդ փուլն է. բնորոշ են կարծր ատամնային նստվածքներ, տհաճ հոտ, այտուցված և արյունահոսող լնդեր, լնդագրպանիկներ որոնք բերում են ատամների շարժի:
Ամբողջ աշխարհում ավելի արդյունավետ է համարվում պրոֆիլակտիկան (կանխարգելումը) և բուժումը հիվանդության վաղ փուլում, քան գանգատներ ունենալուց հետո հայտնաբերված հիվանդության բուժումը: Ամենահեշտը գինգիվիտի կանխարգելումն է - անհրաժեշտ է տարին 1-2 անգամ բուժզննում անցկացնել, հեռացնել ատամնային նստվածքները:
Ջրի բաղադրության մեջ մտնող աղերը միշտ նստվածք են թողնում թեյնիկի հատակին և մեզ համար նկատելի դառնում: Նույն ձևով թքի բաղադրության մեջ մտնող աղերից և ատամնափառից ձևավորվում է ատամնաքարը: Տարբեր մարդկանց մոտ այդ պրոցեսն ունի տարբեր ինտենսիվություն: Նշենք, որ ատամնաքարերը լինում են վերլնդային և ստորլնդային: Վերջիններս աննկատ են մնում պացիենտի աչքի համար, հայտնաբերվում են միայն գործիքով զննելիս:
Պերիօդոնտիտը պահանջում է մի փոքր ավելի ուշադիր մոտեցում: Տարին 2 անգամ պարտադիր ատամնաքարերի հեռացում, հարկ եղած դեպքում նաև դեղորայքային բուժում ողողումների, ներքին ընդունման դեղերի և տեղային քսուքների տեսքով:
Որպես վերոգրյալի ամփոփում խորհուրդ ենք տալիս տարին 2 անգամ այցելել բժիշկ-ստոմատոլոգի, տեղեկանալ Ձեր խնդիրներին և ժամանակին տալ դրանց անհրաժեշտ լուծումներ: